Conforme ao previsto no artigo 3.3 do Real Decreto 64/2023, de 3 de febreiro, polo que se aproba o Regulamento da Lei 34/2006, de 30 de outubro, sobre o acceso ás profesións de Avogado e Procurador dos Tribunais, para acceder aos ensinos oficiais deste Máster será necesario estar en posesión do título de Licenciado en Dereito ou de Graduado en Dereito.
Criterios de admisión
Segundo o establecido no artigo 4.3 do Regulamento de estudos oficiais de posgrao da Universidade de Vigo, así coma na cláusula segunda do Convenio de colaboración académica entre a Universidade de Vigo, o Ilustre Colexio da Avogacía de Ourense e o Ilustre Colexio Provincial de Procuradores de Ourense, a selección do estudantado do mestrado correspondelle á Comisión Académica do mesmo.
A selección do estudantado realizarase atendendo á nota media do expediente académico da titulación que da acceso ao mestrado.