As prácticas externas constitúen unha actividade de natureza formativa levada a cabo polos estudantes universitarios e supervisada polas universidades co obxectivo principal de completar e aplicar, nun ámbito profesional, competencias e coñecementos adquiridos nos seus estudos.
As prácticas externas poden realizarse en entidades colaboradoras, tales como despachos de avogados, empresas, institucións e entidades, de carácter público ou privado, no ámbito nacional ou internacional. Para iso é necesario que a entidade colaboradora haxa subscrito previamente un convenio de cooperación educativa coa Universidade de Vigo.
Ao longo da titulación, a duración das prácticas, curriculares ou extracurriculares, nunha mesma entidade colaboradora non poden exceder de 30 créditos ECTS.
Normativa relativa a prácticas externas
Real Decreto 592/2014, do 11 de xullo, polo que se regulan as prácticas académicas externas do estudantado universitario.
Regulamento de Prácticas Externas de UVigo, instrución para o desenvolvemento das prácticas externas curriculares e resolución reitoral sobre obrigacións de Seguridade Social.
Regulamento de prácticas externas do Grao en Dereito na Facultade de Dereito.
Prácticas externas curriculares 2024/2025
As prácticas externas curriculares configúranse como unha materia optativa integrada no plan de estudos do Grao en Dereito e da Simultaneidade ADE-Dereito da Facultade de Dereito da Universidade de Vigo (6 créditos ECTS). Para a súa realización, esíxese seguir matriculado na materia.
A tramitación e xestión das prácticas extracurriculares compete á Facultade de Dereito a través da coordinación de prácticas. A Universidade de Vigo asumirá as obrigacións de Seguridade Social en relación co alumnado que realice prácticas académicas externas curriculares non remuneradas.
| Data | Proceso |
|---|---|
| Setembro de 2024 | Nomeamento de titores académicos: Prof. Dra. Marta Fernández Prieto (por acordo da Comisión Permanente do 24 de setembro de 2024) |
| Novembro de 2024 | Publicación da oferta de prácticas (publicación en Moovi) |
| Novembro de 2024 | Solicitude do estudantado (Anexo I) |
| Decembro de 2024 | Adxudicación provisional de prácticas (publicación en Moovi) |
| Decembro de 2024 | Adxudicación definitiva de prácticas (publicación en Moovi) e comunicación de datos a empresas e institucións |
| Do 31 de xaneiro ao 20 de maio de 2025 | Formalización da práctica (Anexo I: condicións da práctica académica externa) |
| 20 de maio de 2025 | Data límite de finalización da práctica
|
Prácticas externas extracurriculares
As prácticas externas extracurriculares teñen igualmente natureza estritamente formativa, pero non forman parte do plan de estudos e son voluntarias. Para a súa realización, esíxese seguir matriculado na titulación durante o período de prácticas e que se superaron xa, polo menos, 120 créditos ECTS da titulación. A súa duración pode oscilar entre 6 e 30 créditos ECTS nun mesmo curso académico (150-750 horas), sen que ao longo da titulación poidan realizarse máis de 30 créditos (750 horas) na mesma entidade colaboradora.
A tramitación e xestión das prácticas extracurriculares compete á FUVI (Edificio Administrativo, Campus Universitario As Lagoas, 32004 Ourense, teléfono: 988 368 898, correo electrónico: practicasou@fundacionuvigo.es). En xeral, será a entidade colaboradora na que se desenvolvan as prácticas a que asuma as obrigacións de Seguridade Social en relación co alumnado que realice as prácticas.
Unha vez finalizadas as prácticas, poderá solicitarse o seu recoñecemento como prácticas curriculares ou unha materia optativa ou a súa incorporación ao suplemento europeo do título.
Coordinación de prácticas
Marta Fernández Prieto
+34 988 368 826
mfprieto@uvigo.gal