De momento a nosa Facultade recibiu tres recoñecementos:
O Distintivo de Igualdade, o Distintivo de Empregabilidade e o Certificado FIDES-AUDIT
Distintivo de Igualdade
Distintivo creado coa fin de visibilizar e de recoñecer pública e institucionalmente o esforzo de moitas persoas que, na nosa Universidade, loitan día a día por investigar, ensinar, transferir, xestionar e producir coñecemento científico, incorporando a ollada de xénero e feminista.
Esta iniciativa recoñece o traballo dos centros, escolas e facultades no ámbito do fomento da igualdade real e efectiva entre mulleres e homes e, deste xeito, acadar unha universidade máis humana, igualitaria e xusta.
A Facultade de Dereito obtivo o Distintivo de Igualdade o 27 de febreiro de 2023.
Distintivo de empregabilidade
Representa o recoñecemento ao esforzo colectivo realizado en materia de empregabilidade por todos os sectores desta Facultade. Este logro é a consecuencia do traballo conxunto da nosa Facultade coas Administracións Públicas e coas empresas, e require da conxugación de actividades de xestión, formación e transferencia.
En 2024 a Facultade de Dereito recibiu o primeiro Distintivo de empregabilidade de toda a Universidade de Vigo.
Centro certificado FIDES-AUDIT
No marco do Programa FIDES-AUDIT (“Programa FIDES. Establecemento do Sistema de Garantía de Calidade de Títulos Universitarios” e “Programa AUDIT. Guía para o deseño de Sistemas de Garantía Interna de Calidade da formación universitaria”), a Facultade de Dereito –en colaboración coa Área de apoio á Docencia e Calidade da Universidade de Vigo– deseñou e aprobou o seu SGC.
Acadamos a Certificación FIDES-AUDIT por parte da ACSUG con data de 26 de abril de 2010. Posteriormente, o 23 de xullo de 2015, a ACSUG emitiu con resultado favorable o informe de certificación de implantación do SGC no centro. E o 11 de outubro de 2022 obtivemos a renovación do certificado de implantación (re-certificación) do Sistema de Garantía de Calidade.