O desenvolvemento do Sistema de Garantía Interna de Calidade (SGIC) esixe a definición dos procesos de funcionamento e a elaboración dos documentos que os reflicten (manual de calidade, procedementos e rexistros) consonte as directrices do programa FIDES-AUDIT. Para garantir a súa implantación eficaz e incorporar novos documentos foi necesario levar a cabo múltiples accións e actividades, fixar prazos e responsabilidades, implicar ao equipo de goberno do centro, á comunidade universitaria e a todos os grupos de interese e dotar de maior protagonismo e integración no organigrama da Facultade á Comisión de calidade do centro. Entre outras accións, acometéronse cambios da estrutura organizativa ou funcional, cambios documentais (normativas internas, formularios…), cambios nas plataformas e aplicacións informáticas, dotacións ou redistribucións de recursos, aspectos formativos ou informativos…
O mapa de actividades de calidade relativas á implantación do SGIC 2008-2015 pretende concretar as actividades desenvolvidas polos órganos de goberno do centro e pola Comisión de calidade dende os estadios previos á implantación do SGIC ata o 30 de marzo de 2015 (constitución e composición da comisión, implantación do sistema, manual de calidade, política e obxectivos de calidade, procedementos do sistema, valoración da actividade docente e contrato-programa financiación por resultados).
O mapa de actividades de calidade relativas ao Plan de melloras ao Informe da Auditoría externa inicial para a implantación do SGICtrata de recoller as accións desenvolvidas fundamentalmente pola Comisión de calidade dende a visita de equipo auditor o 6 de maio de 2014 ata o remate o 7 de abril de 2015 do prazo adicional de seis meses concedido polo equipo auditor no Informe de Auditoría externa inicial para a certificación da implantación do SGIC para proceder a unha revisión documental a fin de valorar a forma coa que se iniciou o tratamento das non conformidades detectadas tal e como se concretou no Plan de melloras remitido pola Universidade o 29 de setembro de 2014. Recóllense así mesmo as actuacións desenvolvidas en relación coas oportunidades de mellora sinaladas polo equipo auditor. Unhas e outras actuacións foron valoradas moi positivamente tanto no informe oral emitido polo equipo auditor o 2 de xuño como no Informe de Auditoría externa inicial para a certificación da implantación do SGIC do 23 de xullo de 2015, ata o punto de converter varias das oportunidades para a mellora destacadas no primeiro informe en fortalezas do sistema de garantía da calidade da Facultade e enumerar, fronte ao que adoita resultar máis frecuente, un total de dez fortalezas.
O mapa de actividades de calidade continúa actualizándose no curso académico 2015-2016.
Mapa de actividades 2016
Mapa de actividades 2017
Mapa de actividades 2018
Mapa de actividades 2019
Mapa de actividades 2020
Mapa de actividades 2021
Mapa de actividades 2022
Mapa de actividades 2023
Mapa de actividades 2024
Mapa de actividades 2025