Facultade de Dereito

Persoal docente e investigador das universidades de México e Vigo dialogan sobre os conflitos no estado de dereito

A delegación do país latinoamericano ascende a unha trintena de persoas

Este luns arrancou na Facultade de Dereito do campus de Ourense o V Coloquio Binacional México-España. A cita, organizada pola Universidade Autónoma de México (Unam) co apoio da Universidade de Vigo, reúne ata o mércores a medio centenar de persoal docente e investigador e xuristas dos dous países para fomentar o diálogo e o intercambio de coñecemento no eido da xestión de conflitos no estado de dereito.

20181126
Ler máis...

Ourense acollerá o V Coloquio Binacional México-España

A delegación latinoamericana ascenderá a unha trintena de persoal docente e investigador

A Facultade de Dereito do campus de Ourense acollerá do 26 ao 28 de novembro o V Coloquio Binacional México-España. A Universidade Autónoma de México (Unam) escolleu este centro para a celebración dunha iniciativa que pretende pór en interacción persoal docente e investigador dun e doutro país no eido xurídico. A cita, que contará coa participación de arredor de medio centenar de relatoras e relatores mexicanos e españois, estará centrada na temática da xestión de conflitos no estado de dereito.

20181122
Ler máis...

A VI Liga de Debate da Universidade de Vigo busca aos mellores oradores

Poden participar equipos dos diferentes centros da institución académica

Unha edición máis, e van seis, a Liga de Debate da Universidade de Vigo ponse en marcha. Dirixida desde a Facultade de Dereito do campus de Ourense polo profesor de Filosofía do Dereito Pablo Raúl Bonorino, a actividade volve un ano máis a apostar por fomentar entre o alumnado a capacidade de diálogo, de argumentación e de debate co obxectivo último de mellorar a súa formación. A participación está aberta ás e aos estudantes interesados de calquera centro da Universidade de Vigo.

20181113
Ler máis...

Alumnado de Dereito aprende técnicas de busca activa de emprego

Egresados e egresadas volveron ao centro para explicar os seus traballos e traxectorias

A Facultade de Dereito do campus de Ourense celebrou este venres o III Foro de Emprego Xurídico Orienta Iuris.

A programación consistiu no desenvolvemento dun obradoiro de orientación laboral que levou por título Estratexias para a busca activa de emprego e saídas profesionais dos graduados/as en Dereito. O obxectivo da iniciativa continuar fomentando a empregabilidade dos egresados e egresadas do eido xurídico amosándolle as diferentes opcións que teñen ao remate dos seus estudos.

Alumnado de Dereito aprende técnicas de busca activa de emprego
Ler máis...

Unha porta aberta ao Parlamento galego e aos valores democráticos

Dereito acolleu este luns unha charla-coloquio sobre esta institución

Por segundo ano consecutivo, o campus de Ourense acolleu este luns unha charla-coloquio organizada polo Parlamento de Galicia e a Asociación de Exparlamentarios/as para que a comunidade universitaria, especialmente o seu alumnado, puidese coñecer de preto o traballo que se desenvolve nesta institución. O obxectivo último da iniciativa, explicaron os seus promotores, é “espallar os valores da democracia entre a xente moza, coñecendo de preto o traballo que se desenvolve na institución representativa do pobo galego”.

Unha porta aberta ao Parlamento galego e aos valores democráticos
Ler máis...