Facultade de Fisioterapia

35 novas e novos xuristas forxados na Facultade de Dereito

A sexta promoción de grao celebrou o venres o seu acto de graduación

A sexta promoción do Grao en Dereito, da Facultade de Dereito do campus de Ourense, celebrou este venres a súa graduación. 35 novas e novos egresados do centro recolleron as súas bandas e diplomas de man das autoridades académicas presentes e ante o aplauso de familiares, amigos e membros da comunidade universitaria.

Durante o acto tamén se produciu o nomeamento de Silvia Barona, catedrática de Dereito Procesual da Universitat de València, como membro honorífico do claustro de profesores da facultade ourensá.

Acto de graduación 2018
Ler máis: 35 novas e novos xuristas forxados na Facultade de Dereito

A proba científica en sede xudicial sométese a xuízo

Marina Gascón ofreceu unha conferencia sobre a súa valoración

Este venres a Facultade de Dereito do campus de Ourense acolleu unha conferencia de Marina Gascón, catedrática de Filosofía do Dereito da Universidade de Castela-A Mancha, sobre A valoración da proba científica en sede xudicial.

Coa súa intervención pechouse tanto o Curso de Actualización Xurídica que este curso académico impartiu esta facultade como o I Encontro Internacional sobre Argumentación e Conflitos de Dereitos que se celebra esta semana no mesmo centro.

Peche do curso de actualización xurídica
Ler máis: A proba científica en sede xudicial sométese a xuízo

O I Encontro Internacional sobre Argumentación e Conflitos de Dereitos reúne a xuristas de 12 universidades

O obxectivo é afondar no estado da investigación neste eido

A Facultade de Dereito do campus de Ourense acolle este xoves e venres a celebración do I Encontro Internacional sobre Argumentación e Conflitos de Dereitos. Coordinada polo profesor titular da Área de Filosofía do Dereito da Universidade de Vigo Pablo Raúl Bonorino, a cita conta coa participación de 20 especialistas de doce universidades españolas e estranxeiras.

Trátase, explica o seu coordinador, dun encontro de carácter científico, non pensado para o público xeral senón destinado a “compartir o estado das nosas investigacións en curso e debater e discutir resultados”.

I Encontro Internacional sobre Argumentación e Conflitos de Dereitos
Ler máis: O I Encontro Internacional sobre Argumentación e Conflitos de Dereitos reúne a xuristas de 12...

Un terzo de empregos verase afectado polo cambio tecnolóxico

A xurista abogou "por no caminar hacia una sociedad sin derechos", censurando o "grave problema de la temporalidad y precariedad"


A xurista María Emilia Casas, primeira e única muller que ostentou a máxima responsabilidade no Tribunal Constitucional, protagonizou onte unha nova edición do Foro A Rexión, presentada pola vicedecana da Facultade de Dereito, Francisca Fernández.

Ler máis: Un terzo de empregos verase afectado polo cambio tecnolóxico

A mensaxe contra a pobreza de Vicente Ferrer faise oír no campus

O acto celebrouse este martes na Facultade de Dereito

A Facultade de Dereito do campus de Ourense acolleu este martes a conferencia A Fundación Vicente Ferrer e a loita contra a pobreza na India, ofrecida por Lancy Dodem, portavoz do Departamento de Comunicación desta fundación.

A iniciativa é a primeira que organizan o Grupo de Investigación Medea Iuris da Universidade de Vigo e a Delegación de Alumnas e Alumnos da Facultade de Dereito no marco da colaboración asinada o pasado 25 de abril coa Fundación Vicente Ferrer e que ten como obxectivo recadar fondos para proxectos desta organización sen ánimo de lucro.

Fundación Vicente Ferrer no campus
Ler máis: A mensaxe contra a pobreza de Vicente Ferrer faise oír no campus