Un estado social, democrático e sostible?

A actividade é a última organizada no marco da iniciativa Redexmar

A actividade celebrouse na Facultade de Dereito
A actividade celebrouse na Facultade de Dereito

Despois de tres anos de actividade, a Rede de Excelencia de Estudos Xurídico-Marítimos (Redexmar), participada por dous grupos de investigación xurídica da Universidade de Vigo, entra na súa recta final. Como última acción, este venres celebrou no campus de Ourense unha xornada sobre dereito ambiental e xestión de recursos hídricos e mariños na que especialistas do eido xurídico achegáronse a diversos aspectos do camiño cara un estado que, ademais de social e democrático, sexa sostible.

Xornada Redexmar sobre dereito ambiental e xestión de recursos hídricos e mariños, coordinada polos profesores Roberto O. Bustillo, Mª Belén Sánchez e Laura Movilla, foi a última actividade da rede, nada no marco do Programa de Consolidación de Unidades de Investigación Competitiva do Sistema Universitario de Galicia da Xunta de Galicia. Liderada desde a Universidade de Vigo polo catedrático Jaime Cabeza, Redexmar, lembrouse este venres, está formada por catro grupos de investigación de universidades galegas relacionados co dereito marítimo, como son o Grupo DT1 de Dereito do Traballo e da Seguridade Social da Universidade de Vigo, que lidera a rede; o grupo Medea Iuris, do campus de Ourense; o grupo CADIE, da Universidade da Coruña, e o grupo De Conflictu Legum, da Universidade de Santiago de Compostela.

Ler a noticia completa no DUVI